|
|||||||||||||||||||||||||||||||||||||||||||||||||||||||||||||||
|
|||
 |
|||
Stornello del paese
Tratto da Graziella Caputo Licursi, Mendicino paese dell’anima. Memoria e identità, Tipografia Di Giuseppe, Cosenza 2005. |
|||
Ninna nanna
Ohi madonna mia tu chi mi l’ha data ‘bbona fammila stare e mai malata Ohi madonna mia tu chi mi l’ha diseti ‘bbona fammela stare e ranne priestu suonnu venecce e vieni ca t’aspiettu l’haiu are vrazze e la curcu aru liettu suonnu ‘bbene miu è tuttu ‘u tue ‘ndre vrazze, aru liettu e ‘dggie ‘ru vue venecce suonnu e ‘cchiu nu stare ca sa picciridggia mia vò riopusare dormami ‘bbene miu dormani e crisce cumu aru criscianu li pisce suonnu venecce e ‘nnu venire a ‘ppede vieni ‘nì’n cavaddru cumu ti cummene dormami’bbene miu dormani moni ca li guali tui riposano e tu noni e ru suonnu ‘bbene miu è ‘ gghiutu e ‘ bbenutu ha truvatu a porta chiusa e sinn’è ‘gghiutu suonnu venecce si ‘cci vvo venire e tu chi sa a ru suonnu ohi portamili tri ure, quattro e pue rispigliamila u suonuu ‘bbene miu è ‘gghiutu a “vviole pua si ‘nne vene porta nova dormani ‘bbene piu dorma e riposa liettu de gigli e cuverta de rosa dormami ‘bbene miu dorma ch’è ura u sale si ‘nn’è ‘gghiutu le mura dorma gioiuzza mia dorma ch’è notte u sule si ‘nn’è gghiutu di le porte u suonnu ‘bbene miu è ‘gghiutu iuridggi pue si ‘nne vena e ti porta midggi.
E ra ninna ninna e ra ninnredggia ‘ u lupu s’è mangiatu a pecuredggia e ra ninna e sempre dicu ninna ‘ccu l’uocchi aperti e ra vucca ara minna e ra ninna e ra ninna, e ra ninna e ra ninna sa creatura mia vò ra mamma era ninna e ra ninna sia dormani figlia e benedetta sia e ra ninna e ra ninna e ‘ccu ra ninna ti dicu chiru ca ci fazzu ti lu benedicu ti ‘bbenedicu li mumenti e l’anni prima la fasse e pue li suttapanni ti ‘bbenedicu li mumenti e l’ure prema le fasse e pue l’ ‘mpassature e ra ninna e ra ninna e ‘ccu ra vò fare sì picciridggia e ranne t’ha de fare e ra ninna ninna e ra ninna ti cantu sfera de sule chi luci tantu.
Tratto da Domenico Canino, Una montagna alta fra le nuvole. La storia di Mendicino, Mens Ky Nebwh, Mendicino (CS) 2000. P. 52. |
|||
Nu jurnu jutu ara foresta Supra li ciani de Santa Maria La bella tua, la bella mia. Aju vistu na palumma janca e mesta De lu pizzullu lu sangu curia La bella ua, la bella mia. Affacciara patrona ara finestra Dhin’à feritu la palumma mia! La bella tua, la bella mi. La palummella ull’aju ferita iu L’aiu truvata ccà mmienzu ssà via La bella tua, la bella mia. Vieni palumma mia, tu vienitinne C’aiu cunzatu lu liettu ppè ttie. la bella tua, la bella mia Dintra ssù liettu tu pue ripusare Iu cittu cittu staiu vicinu a ttie. La bella tua, la bella mia.(bis)
U palu vestutu
Pover’ammie ccaju patutu! mi signu fattu nu palu vestutu! un sacciu propriu cumu haju de fare cca nun puozzu mancu saziare. Ppè risparmiare iu mangiu verdura, e de patate fazzu la cura stringiu la cinta da sira ara matina de chissà passu sarà na ruvina. Nessunu a mmie mi duna n’aiutu c’avie n’amicu e mò l’haiu perdutu pue mi vè trouvu n’amicu fidatu li’ priestu sordi e sinnè scappatu.
Ritornello
Chissà è ru rumuri de tutti i ‘mbrugliuni Ca ccù re mbrogle si fanu i miliuni Ma chine, invece, si suda ra jurnata, sempre pezzente pue vena chiamatu. A vita è fatta ppè tutti i riccuni Ca ccu ri sordi si fanu i patruni Tenanu a villa e mille pietanze Ed iu un mi puozzu inchie mancu’a panza.
Canzone del brigante
Signu statu ‘ngalera e un minne pientu Signu statu ‘ngalera e minne vantu, nu malu vicinu mi cacciò nu dente, ladde pagà ccu suspiri e chianti, pecchì disturggiu ad irru a ari parieti. insieme ari spagnoli tutti quanti. Forza compagni mii simu briganti, facimu ca Calabria jissi avanti. Iu senza spada spiezzu, muzzu e tagliu e senza scala ‘nchianu dggiuve vuogliu; iu senza lima le catine tagliu, iu tingu e fazzu macchie cchiù de l’uogliu, nu jume funnu lu passu e lu stagliu, u vientu ‘ntra nu saccu l’arrivougliu. Vida mo’ si mi mintu paura de su ‘mbrugluni. Ancora tuttu un signu finitu C’ara giberna cinne sunnu palle, un sugnu latricchiune ‘mpaurutu ca st’ossa ci le puru a chisse palle; e quannu muoru pue su seppellito ‘maprte du campusantu nte ssà valle.
Tratto da Graziella Caputo Licursi, Mendicino paese dell’anima. Memoria e identità, Tipografia Di Giuseppe, Cosenza 2005. Pp. 26, 28
|
|||
|
|||
A palummella mia (canzone d’amore)